AKP បន្ទាយមានជ័យ ថ្ងៃទី២៧ ខែកញ្ញា ឆ្នាំ២០២៦ -- ការពង្រឹងសមត្ថភាពការងាររបស់គណៈកម្មាធិការគណបក្សនៅថ្នាក់ឃុំ និងការរៀបចំផែនការឱ្យបានច្បាស់ លាស់ ត្រូវបានដាក់ជាចំណុចសំខាន់ក្នុងកិច្ចប្រជុំត្រួតពិនិត្យការងារ ឆ្ពោះទៅការបោះឆ្នោតជ្រើសរើសក្រុមប្រឹក្សាឃុំ អាណត្តិទី៦ ឆ្នាំ២០២៧ នៅស្រុកភ្នំស្រុក ខេត្តបន្ទាយមានជ័យ។

នាព្រឹកថ្ងៃអាទិត្យ ទី២៧ ខែកញ្ញា ឆ្នាំ២០២៦ ឯកឧត្តម ឌិត ទីណា សមាជិកគណៈកម្មាធិការកណ្តាល និងជាអនុប្រធានទី១ ក្រុមការងារគណ បក្សប្រជាជនកម្ពុជាចុះមូលដ្ឋានខេត្តបន្ទាយមានជ័យ បានអញ្ជើញជួបសំណេះសំណាល និងត្រួតពិនិត្យផែនការការងារជាមួយគណៈកម្មាធិការគណបក្សឃុំទាំង៦ ក្នុងស្រុកភ្នំស្រុក ដោយមានការចូលរួមពីថ្នាក់ដឹកនាំ និងសមាជិក-សមាជិកាគណបក្សប្រមាណ ៣០០នាក់។

កិច្ចប្រជុំនេះធ្វើឡើងក្នុងបរិបទដែលការបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៦ ឆ្នាំ២០២៧ កំពុងឈានចូលដំណាក់កាលរៀបចំជាបន្តបន្ទាប់។ គ.ជ.ប. បានកំណត់ថា ការបោះឆ្នោតនឹងប្រព្រឹត្តទៅនៅថ្ងៃអាទិត្យ ទី៦ ខែមិថុនា ឆ្នាំ២០២៧ នៅទូទាំងប្រទេស ហើយការងារកែសម្រួលបញ្ជីបោះឆ្នោត និងការចុះឈ្មោះបោះឆ្នោតឆ្នាំ២០២៦ គឺជាផ្នែកមួយដ៏សំខាន់នៃដំណាក់កាលត្រៀមរៀបចំការបោះឆ្នោត។

   
 ក្នុងន័យនេះ ការចុះមូលដ្ឋានត្រួតពិនិត្យផែនការរបស់គណៈកម្មាធិការគណបក្សឃុំទាំង៦ ក្នុងស្រុកភ្នំស្រុក អាចចាត់ទុ កជាការពង្រឹងការរៀបចំការងារពីថ្នាក់មូលដ្ឋាន ដើម្បីឱ្យផែនការដែលបានដាក់ចេញមានភាពច្បាស់លាស់ សម ស្របនឹងស្ថានភាពជាក់ស្តែង និងអាចអនុវត្តបានប្រកបដោយប្រសិទ្ធភាព។
    
ក្នុងឱកាសនោះ ឯកឧត្តម ឌិត ទីណា បានផ្តោតសំខាន់លើការរៀបចំផែនការការងារឱ្យមានលក្ខណៈជាក់លាក់ ការបែងចែកភារកិច្ច និងការពង្រឹងការសហការរវាងក្រុមការងារគ្រប់លំដាប់ថ្នាក់ ដោយចាត់ទុកការងារនៅមូលដ្ឋានជាមូលដ្ឋានសម្រាប់ការអនុវត្តផែនការឱ្យបានរលូន និងមាន ប្រសិទ្ធ  ភាព។
ចំណុចដែលត្រូវបានផ្តោតក្នុងកិច្ចប្រជុំ មិនត្រឹមតែជាការពិនិត្យលើផែនការដែលបានរៀបចំឡើងប៉ុណ្ណោះទេ ប៉ុន្តែថែមទាំងជាការពិនិត្យមើលស្ថានភាពការងារជាក់ស្តែងនៅតាមមូលដ្ឋាន ដើម្បីកំណត់ចំណុចដែលត្រូវបន្តពង្រឹង និងចំណុចដែលត្រូវកែសម្រួលឱ្យស្របតាមស្ថានភាព។
   
ការរៀបចំការងារមូលដ្ឋានឱ្យបានល្អ គឺទាមទារឱ្យមានការសហការរវាងថ្នាក់ខេត្ត ស្រុក ឃុំ និងភូមិ ព្រមទាំងការយល់ដឹងច្បាស់លាស់អំពីតួនាទី និងភារកិច្ចរបស់សមាជិក-សមាជិកាគណបក្សនៅគ្រប់កម្រិត។ ការងារទាំង នេះក៏ត្រូវដំណើរការស្របតាមច្បាប់ និងនីតិវិធីរបស់ស្ថាប័នរៀបចំការបោះឆ្នោតផងដែរ។ដូច្នេះ ការត្រួតពិនិត្យផែនការនៅកម្រិតមូលដ្ឋាននៅពេលនេះ មានសារៈសំខាន់ក្នុងការរៀបចំការងារឱ្យបានទាន់ពេលវេលា និងមានការសម្របស ម្រួលល្អ ដោយផ្តោតលើការអនុវត្តផែនការតាមលំដាប់លំដោយ និងស្របតាមច្បាប់ បទបញ្ជា និងនីតិវិធីនៃការបោះឆ្នោត៕

ដោយ ៖ឈុនសារ៉ាត