AKP ភ្នំពេញ ថ្ងៃទី២១ ខែកញ្ញា ឆ្នាំ២០២៦--អាហារូបករណ៍ ១០០% កម្រិតបរិញ្ញាបត្រ លើមុខជំនាញ ១.ការអប់រំភាសាអង់គ្លេស ២.ការអប់រំភាសាកូរ៉េ និង ៣.បច្ចេកវិទ្យាព័ត៌មាន ក្រោមការឧបត្ថម្ភហារូបករណ៍របស់ លោកស្រី ឆាន់ ហេលី សាកលវិទ្យាធិការ នៃសាកលវិទ្យាល័យសិល្បៈភ្នំពេញ បានប្រកាសឱ្យសិស្សានុសិស្សដែលបានប្រឡងជាប់សញ្ញាបត្រមធ្យម សិក្សាទុតិយភូមិ ឆ្នាំសិក្សា ២០២៥-២០២៦ ដាក់ពាក្យស្នើសុំជាផ្លូវការ។

នៅក្នុងការជូនដំណឹង សាកលវិទ្យាល័យសិល្បៈភ្នំពេញបានគូសបញ្ជាក់ថា នេះគឺជាការប្រកាសផ្ដល់អាហារូបករណ៍ពេញលេញរបស់ លោកស្រី ឆាន់ ហេលី សាកលវិទ្យាធិការ នៃសាកលវិទ្យាល័យសិល្បៈភ្នំពេញចំនួន ៥៥កន្លែង សិក្សារយៈពេល ៤ឆ្នាំ លើមុខជំនាញ ការអប់រំភាសាអង់គ្លេស ២០កន្លែង ការអប់រំភាសាកូរ៉េ ២០កន្លែង និងបច្ចេកវិទ្យាព័ត៌មាន ១៥កន្លែង។ អាហារូបករណ៍នេះ ផ្ដល់ជូនសម្រាប់សិស្សានុសិស្សដែលបានប្រឡងជាប់សញ្ញាបត្រមធ្យមសិក្សាទុតិយភូមិ ឆ្នាំសិក្សា ២០២៥-២០២៦  និងមានចំណេះដឹងភាសាអង់គ្លេសចាប់ពីកម្រិតមធ្យមឡើងទៅ។

សម្រាប់ព័ត៌មានលម្អិត និងការដាក់ពាក្យស្នើសុំ សូមបេក្ខជនទំនាក់ទំនងតាមទូរស័ព្ទលេខ ០១២ ២៤៩ ៩២៤ និងសូមស្កេន QR Code តេឡេក្រាមខាងក្រោម៕

ដោយ៖ ចាន់ សុភឿន (ប្រភព៖ ក្រសួងអប់រំ)