AKP ព្រះសីហនុ ថ្ងៃទី៩ ខែតុលា ឆ្នាំ២០២៦--ព្រឹកថ្ងៃសុក្រទី៩ ខែតុលា ឆ្នាំ២០២៦ រដ្ឋបាលខេត្តព្រះសីហនុ ដឹកនាំដោយលោក សាមុត សុធារិទ្ធ អភិបាលរងខេត្តព្រះសីហនុ បានអញ្ជើញទទួលស្វាគមន៍ និងសម្រួលការធ្វើដំណើររបស់បងប្អូនប្រជាពលរដ្ឋ កម្មករ-និយោ ជិត ដែលបានធ្វើដំណើរតាមរថយន្តក្រុងឥតគិ តថ្លៃរបស់រាជរដ្ឋាភិបាល ដើម្បីត្រឡប់ ទៅជួបជុំក្រុមគ្រួសារនៅស្រុកកំណើត នាឱកាសបុណ្យ (ដូចជាពិធីបុណ្យភ្ជុំបិណ្ឌ ឬចូលឆ្នាំខ្មែរ) ជាបន្តបន្ទាប់។ 

 ការទទួលស្វាគមន៍ធ្វើឡើងក្នុងគោល បំណង -កាត់បន្ថយចំណាយ -ជួយសម្រាលបន្ទុកជីវ ភាពរបស់ប្រជា ពលរដ្ឋ និងកម្មករ និយោជិតក្នុងការចំណាយលើថ្លៃធ្វើដំណើរ -ធានាសុវត្ថិភាព -ផ្ដល់ការ សម្រួលចរាចរណ៍ និងធានាសន្តិសុខ សុវត្ថិភាព -បង្កើនភាពស្និទ្ធស្នាល -បង្ហាញពីការយកចិត្តទុក ដាក់ខ្ពស់ពីរាជរដ្ឋាភិបាល និងអាជ្ញាធរដែនដីជូន ចំពោះប្រជាពលរដ្ឋ។ 
សូមរម្លឹកថា សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជា ណាចក្រកម្ពុជា បានអនុញ្ញាតឱ្យរដ្ឋ បាលរាជធានីភ្នំពេញរៀបចំរថយន្តក្រុងចំនួន ៦០០គ្រឿង សម្រាប់បម្រើសេវាដឹកជញ្ជូនសាធារណៈដោយមិនបង់ ប្រាក់រយៈពេល ៥ថ្ងៃ គិត ចាប់ពីថ្ងៃទី៩ ដល់ថ្ងៃទី១៣ ខែតុលា ឆ្នាំ២០២៦ ក្នុងការដឹកជញ្ជូនទៅកាន់បណ្តារាជធានី ខេត្ត។

ដោយ ឡែកសម្រាប់ខេត្តព្រះសីហនុ មានរថយន្តក្រុងចំនួន ១៤គ្រឿងក្នុងការដឹកជញ្ជូនប្រជាពលរដ្ឋ កម្មករ និយោជិក មកកាន់ខេត្តព្រះសី ហនុ និងការវិលពីខេត្តព្រះសីហនុ ទៅកាន់រាជ ធានីភ្នំពេញវិញ ៕

ដោយ៖ ងូ សុមុនី