AKP ឧត្តរមានជ័យ ថ្ងៃទី៦ ខែតុលា ឆ្នាំ២០២៦--លោក ហួត នរៈ ប្រធានការិយាល័យ នៃនាយកដ្ឋានអភិរក្សតំបន់ការពារធម្មជាតិខាងលើបឹងទន្លេសាប នៃអគ្គនាយកដ្ឋានតំបន់ការពារធម្មជាតិ ក្រសួងបរិស្ថាន ដឹកនាំកិច្ចប្រជុំពិគ្រោះយោបល់លើកទី២ ស្តីពីការគ្រប់គ្រង និងរៀបចំសេចក្តីព្រាងផែនការគ្រប់គ្រងដែនជម្រក សត្វ ព្រៃសង្ឃរុក្ខាវ័ន ខេត្តឧត្តរមានជ័យ។

កិច្ចពិគ្រោះយោបល់នេះប្រព្រឹត្តទៅនាថ្ងៃទី០៦ ខែតុលា ឆ្នាំ២០២៦ នៅមន្ទីរបរិស្ថានខេត្ត នឹងមានការចូលរួមពីលោកអភិបាលរងក្រុងសំរោង ប្រធានការិយាល័យជំនាញ សង្កាត់សំរោង មេភូមិ និងតំណាងសហគមន៍ជាច្រើនរូបទៀត ។

លោក ហួត នរៈ បានលើកឡើងថា លទ្ធផលនៃកិច្ចពិគ្រោះយោបល់នេះ បានកំណត់កម្មវិធីធំចំនួន៣ អនុកម្មវិធីចំនួន១២ និងសកម្មភាពចំនួន៥៦ ដើម្បីជាមូលដ្ឋានសម្រាប់ការរៀបចំផែនការគ្រប់គ្រង និងអភិរក្សដែនជម្រកសត្វព្រៃសង្ឃរុក្ខាវ័នឱ្យកាន់តែមានប្រសិទ្ធភាព។ហេតុនេះសូមអ្នកដែលពាក់ព័ន្ធត្រូវចូលរួមនៅរាល់សកម្មភាពផែនការគ្រប់គ្រងឲ្យបានល្អ ៕

ដោយ៖ ទិត ស្រ៊