AKP ភ្នំពេញ ថ្ងៃទី២២ ខែកញ្ញា ឆ្នាំ២០២៦ -- ទីក្រុងមូស្គូបានថ្លែងកាលពីថ្ងៃចន្ទថា ការដាក់ទណ្ឌកម្មលើការនាំចេញប្រេង និងឧស្ម័នរបស់រុស្ស៊ី នឹងមិនជួយស្តារទំនាក់ទំនងជាមួយសហរដ្ឋអាមេរិក ឬនាំឱ្យមានសន្តិភាពជាមួយអ៊ុយក្រែនឡើយ។

កាលពីថ្ងៃសុក្រ ប្រធានាធិបតីអាមេរិក លោក ដូណាល់ ត្រាំ (Donald Trump) បានចុះហត្ថលេខាលើសេចក្តីព្រាងច្បាប់ស្តីពីការដាក់ទណ្ឌកម្មលើរុស្ស៊ី ដើម្បីឱ្យវាចូលជាធរមាន។ ច្បាប់នេះផ្តោតគោលដៅលើវិស័យថាមពល និងវិស័យការពារជាតិរបស់រុស្ស៊ី ព្រមទាំងកងនាវាដឹកប្រេងដែលគេហៅថា «កងនាវាស្រមោល» (shadow fleet) របស់ប្រទេសនេះផងដែរ។

លោក ឌីមីទ្រី ប៉េសកូវ (Dmitry Peskov) អ្នកនាំពាក្យវិមានក្រឹមឡាំងបានថ្លែងថា ប្រទេសរុស្ស៊ីបានសម្របខ្លួនទៅនឹងការដាក់ទណ្ឌកម្មទាំងនោះស្ទើរតែទាំងស្រុង និងបានរកឃើញវិធីកាត់បន្ថយផលប៉ះពាល់របស់វា ដោយលោកបានបន្ថែមថា ដៃគូពាណិជ្ជកម្មរបស់ប្រទេសនេះក៏មិនយល់ស្របចំពោះការរឹតបន្តឹងបែបនេះដែរ៕

ដោយ៖ មូល មិនា (ប្រភព៖ ស៊ីនហួ)