AKPបន្ទាយមានជ័យថ្ងៃទី២១ខែកញ្ញាឆ្នាំ២០២៦ -- ក្រោមបរិយាកាសដ៏អ៊ូអរ និងពោរពេញដោយក្តីសង្ឃឹម គេបានឃើញវត្តមានយ៉ាងសកម្មរបស់លោកនាយកសាលា លោកគ្រូ អ្នកគ្រូ និងប្អូនៗសិស្សានុ សិស្ស រួមជាមួយអាជ្ញាធរមូលដ្ឋានក្នុង ស្រុកម៉ាឡៃ បានចាប់ដៃគ្នារៀបចំ «យុទ្ធនាការប្រមូលកុមារឱ្យចូលរៀន» យ៉ាងផុសផុល កាលពីថ្ងៃទី២០ ខែកញ្ញា ឆ្នាំ២០២១ (សំដៅរៀបចំសម្រាប់ឆ្នាំសិក្សាថ្មី ២០២៦-២០២៧)។

យុទ្ធនាការនេះ មិនត្រឹមតែជាព្រឹត្តិការណ៍អប់រំប៉ុណ្ណោះទេ ប៉ុន្តែវាគឺជាស្ពានចម្លងក្តីស្រមៃរបស់កុមារគ្រប់រូបឱ្យឈានទៅរកអនាគតដ៏ភ្លឺស្វាង។

ថ្លែងក្នុងឱកាសដ៏មានសារៈសំខាន់នោះ លោក ស្វាយ អភិបាលនៃគណៈអភិបា លស្រុកម៉ាឡៃ បានធ្វើការក្រើនរំលឹក និងអំពាវនាវយ៉ាងទទូចដល់មាតាបិតា និងអាណាព្យាបាលទាំងអស់ ដែលមានកូនចៅដល់អាយុចូលរៀន សូមប្រញាប់នាំកូនចៅទៅចុះឈ្មោះចូលរៀនឱ្យបានគ្រប់ៗគ្នា នៅតាមគ្រឹះស្ថាន សិក្សាសាធារណៈដែលនៅជិតផ្ទះបំផុត។

លោកអភិបាលស្រុកបានសង្កត់ធ្ងន់ថាចំណេះដឹងគឺជាកូនសោដ៏មានតម្លៃបំផុតក្នុងការកសាងអនាគតគ្រួសារ និងសង្គមជាតិ។ គ្មានកុមារណាម្នាក់គួរតែត្រូវគេទុកចោលក្រៅសាលារៀននោះឡើយ។

សកម្មភាពចុះអូសទាញ និងផ្សព្វផ្សាយតាមខ្នងផ្ទះ ព្រមទាំងការដើរចែកខិត្តប័ ណ្ណអប់រំពីសំណាក់លោកគ្រូ អ្នកគ្រូ និងសិស្សានុសិស្ស បានបង្ហាញពីស្មារតីសហការដ៏រឹងមាំ និងក្ដីស្រលាញ់ដ៏ជ្រាលជ្រៅចំពោះវិស័យអប់រំមូលដ្ឋាន។ ការរៀបចំយុទ្ធនាការនេះទុកជាមុន គឺជាការត្រៀមលក្ខណៈសម្បត្តិយ៉ាងល្អប្រសើរ ដើម្បីធានាថាគ្មានកុមារណាម្នាក់ខកខានឱកាសទទួលបានការអប់រំក្នុងឆ្នាំសិក្សាថ្មីនេះឡើយ៕

ដោយ ៖ឈុនសារ៉ាត