AKP ធានជីន ថ្ងៃទី៣១ ខែសីហា ឆ្នាំ២០២៥—

សម្តេចមហាបវរធិបតី ហ៊ុន ម៉ាណែត នាយកដ្ឋមន្ត្រី នៃព្រះរាជាណាចក្រកម្ពុជា រួមជាមួយបណ្តាថ្នាក់ដឹកនាំដទៃទៀត អញ្ជើញចូលរួមពិធីជប់លៀងស្វាគមន៍ផ្លូវការដែលរៀបចំដោយ ឯកឧត្តម ស៊ី ជីនពីន (Xi Jinping) ប្រធានាធិបតីនៃសាធារណរដ្ឋប្រជាមានិតចិន និងលោកជំទាវ Peng Liyuan នៅទីក្រុងធានជីន សាធារណរដ្ឋប្រជាមានិតចិន នាល្ងាចថ្ងៃទី៣១ ខែសីហា ឆ្នាំ២០២៥។

សូមបញ្ជាក់ថា សម្តេចធិបតី កំពុងអញ្ជើញចូលរួមកិច្ចប្រជុំកំពូលអង្គការសហប្រតិបត្តិការងារសៀងហៃ បូក ដែលប្រារព្ធធ្វើឡើងនៅទីក្រុងធានជីន ប្រទេសចិន។

រូបថត៖ ទំព័រហ្វេសប៊ុកសម្តេចធិបតី