AKP ស្ទឹងត្រែង ថ្ងៃទី១៩ ខែសីហា ឆ្នាំ២០២៥ --

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ស្ត្រីទី១នៃកម្ពុជា អនុប្រធានអចិន្ត្រៃយ៍កាកបាទក្រហមកម្ពុជា និងក្រុមការងារ អញ្ជើញគោរពវិញ្ញាណក្ខន្ធ និងនាំយកនូវគ្រឿងឧបភោគបរិភោគ សម្ភារបរិក្ខារ របស់របរប្រើប្រាស់ និងថវិកាមួយចំនួនជូនក្រុមគ្រួសារវីរកងទ័ព អនុសេនីយ៍ត្រី ស៊ីថា រទ្ធី យុទ្ធជននៃវរសេនាតូចអន្តរាគមន៍២៨២ កងពលអន្តរាគមន៍លេខ១២៨ យោធភូមិភាគទី១ ដែលបានពលីនៅសមរភូមិបុស្បូវ-ជាំតែ ក្នុងស្រុកជាំក្សាន្ត ខេត្តព្រះវិហារ កាលពីពេលកន្លងទៅ។

ពិធីនេះ បានប្រារព្ធទៅនៅគេហដ្ឋានគ្រួសារនៃសព នៅភូមិរាជានុកូល សង្កាត់ស្ទឹងត្រែង ក្រុងស្ទឹងត្រែង ខេត្តស្ទឹងត្រែង នៅថ្ងៃទី១៩ ខែសីហា ឆ្នាំ២០២៥ និងដោយមានការចូលរួមអមដំណើរដោយ ឯកឧត្តម សរ សុពុត្រា អភិបាលខេត្ត នៃគណៈអភិបាលខេត្តស្ទឹងត្រែង។

រូបថត៖ រដ្ឋបាលខេត្តស្ទឹងត្រែង