AKP ភ្នំពេញ ថ្ងៃទី២៨ ខែកញ្ញា ឆ្នាំ២០២៦ -- យោងតាមក្រសួងការពារជាតិរុស្ស៊ីកាលពីថ្ងៃអាទិត្យ បានឱ្យដឹងថា កងកម្លាំងរុស្ស៊ីបានវាយប្រហារមជ្ឈមណ្ឌលទិន្នន័យដែលដំណើរការដោយក្រុមហ៊ុន Omega Telecom និងក្រុមហ៊ុន Kyivstar ក្នុងទីក្រុងគៀវ ដែលផ្តល់សេវាអ៊ីនធឺណិតល្បឿនលឿនដល់កងកម្លាំងប្រដាប់អាវុធអ៊ុយក្រែន។

ក្រសួងបាននិយាយនៅក្នុងសេចក្តីថ្លែងការណ៍មួយថា «កងកម្លាំងរុស្ស៊ីបន្តវាយប្រហារមជ្ឈមណ្ឌលទំនាក់ទំនង និងភស្តុភារ ក៏ដូចជានាវាកងទ័ពជើងទឹកដែលដាក់ពង្រាយក្នុងផលប្រយោជន៍របស់កងកម្លាំងប្រដាប់អាវុធអ៊ុយក្រែន»។

ក្រសួងបាននិយាយថា ការវាយប្រហារដោយប្រតិបត្តិករយន្តហោះគ្មានមនុស្សបើក «Geran» របស់រុស្ស៊ីលើមជ្ឈមណ្ឌលទិន្នន័យបានរំខានដល់សេវាកម្មអ៊ីនធឺណិតដែលប្រើប្រាស់ដោយមន្ដ្រីយោធាអ៊ុយក្រែនដោយបង្ខំពួកគេឱ្យ «បន្សាបជាតិពុលឌីជីថល» ដោយអចេតនា។

ដោយឡែកពីគ្នា ប្រព័ន្ធការពារដែនអាកាសរបស់រុស្ស៊ីបានស្ទាក់ចាប់និងបំផ្លាញយន្តហោះគ្មានមនុស្សបើកអ៊ុយក្រែនចំនួន ៤៣គ្រឿងនៅលើតំបន់រុស្ស៊ី និងសមុទ្រខ្មៅក្នុងអំឡុងពេលថ្ងៃ។ នេះបើយោងតាមក្រសួង៕

ដោយ៖ មូល មិនា (ប្រភព៖ ស៊ីនហួ)