AKP ភ្នំពេញថ្ងៃទី២៣ ខែកញ្ញា ឆ្នាំ ២០២៦– អង្គការ FAO នៅកម្ពុជា និងមូលនិធិជំងឺរាតត្បាត ពង្រឹងភាពជាដៃគូសម្រាប់គំនិតផ្តួចផ្តើម «សុខភាពតែមួយ» (One Health) និងការត្រៀមខ្លួនឆ្លើយតបនឹងជំងឺរាតត្បាតដែលអាចកើតមានឡើងនៅកម្ពុជា ។នេះបើតាមការឱ្យដឹងពីអង្គការFAO នៅថ្ងៃទី២៣ ខែកញ្ញា ឆ្នាំ២០២៦ ។

គណៈប្រតិភូកម្ពុជា ដឹកនាំដោយ លោកជំទាវវេជ្ជបណ្ឌិត យូក សម្បត្តិ រួមជាមួយអង្គការ FAO ប្រចាំកម្ពុជា ដែលដឹកនាំដោយលោកស្រី Rebekah Bell តំណាងអង្គការ FAO ប្រចាំកម្ពុជា បានជួបពិភាក្សាជាមួយតំណាងរបស់មូលនិធិជំងឺរាតត្បាត អំពីវឌ្ឍនភាព និងអាទិភាពនានា ក្រោមគម្រោង «ការត្រៀមខ្លួន និងការឆ្លើយតបនឹងជំងឺរាតត្បាតនៅកម្ពុជា»។

កិច្ចប្រជុំនេះបានផ្តល់ឱកាសដើម្បីចែករំលែកសមិទ្ធផលសំខាន់ៗដែលសម្រេចបានរហូតមកដល់ពេលនេះ និងផ្លាស់ប្តូរទស្សនៈអំពីទិសដៅនាពេលអនាគត។ កម្ពុជា ក៏បានសម្តែងការកោតសរសើរចំពោះមូលនិធិជំងឺរាតត្បាត សម្រាប់ការគាំទ្រជាបន្តបន្ទាប់ក្នុងការលើកកម្ពស់សមត្ថភាពជាតិសម្រាប់កិច្ចការបង្ការ ការត្រៀមលក្ខណៈ និងការឆ្លើយតបទៅនឹងជំងឺរាតត្បាត តាមរយៈវិធីសាស្ត្រ «សុខភាពតែមួយ» (One Health) ៕

ដោយ ណយ នឿន (ប្រភព៖MCC)