AKPកំពង់ធំថ្ងៃទី២០ខែកញ្ញាឆ្នាំ២០២៦--លោកជំទាវ ឃួន ឃុនឌី សមាជិកគណៈកម្មាធិការកណ្តាលគណបក្សប្រជាជនកម្ពុជា និងជាប្រធានក្រុមការងារចុះមូលដ្ឋានស្រុកកំពង់ស្វាយ បានជំរុញឱ្យក្រុមការងារគណបក្សទាំងអស់ចុះដល់មូលដ្ឋានដើម្បីសិក្សាស្វែងយល់ពីបញ្ហាប្រឈមនិងដំណោះស្រាយ។

លោកជំទាវ ឃួន ឃុនឌី បានជុំវិញដូចនេះក្នុងកិច្ចប្រជុំពិភាក្សាការងារគណបក្សជាមួយសមាជិកសមាជិកាគណបក្សឃុំនីពេជ្រស្រុកនាព្រឹកថ្ងៃទី២០ខែកញ្ញាឆ្នាំ ២០២៦ទីស្នាក់ការគណបក្សឃុំ។លោកជំទាវបានសង្កត់ធ្ងន់ថាការចុះដល់មូលដ្ឋានផ្ទាល់ពិតជាមានសារៈសំខាន់ណាស់សំរាប់ក្រុមការងារគណបក្សយើងក្នុងការសិក្សាស្វែងយល់បន្ថែមទៀតនូវបញ្ហាប្រឈមនានា ទុក្ខកង្វល់របស់ប្រជាពលរដ្ឋ ពិសេសបំផុតអ្នកដែលមានជីវភាពខ្វះខាតដែលយើងមិនអាចមើលរំលងបានឡើយព្រមទាំងដោះស្រាយឱ្យបានទាន់ពេលវេលា។ ទាំងនេះឆ្លុះបញ្ចាំងឱ្យឃើញពីស្មារតីទទួលខុសត្រូវរបស់ក្រុមការងារគណ បក្សព្រមទាំងបង្ហាញនូវក្តីស្រឡាញ់ការយកចិត្តទុកដាក់ពិថ្នាក់ដឹកនាំគណបក្សទៀតផង។

លោកជំទាវបានបន្តថាក្រុមការងារចុះមូលដ្ឋានឃុំក៏ដូចជាប្រធាន អនុប្រធាន សមាជិកសមាជិកគណបក្សទាំងអស់ត្រូវយល់នឹងឈរលើការមូលមតិគ្នាតែមួយដោយរួមគ្នាក្នុងការដោះស្រាយបញ្ហាប្រឈមនានាដោយផ្អែកលើការ ពិនិត្យពិភាក្សាឱ្យបានត្រឹមត្រូវនឹងទាន់ ពេលវេលា ប្រកប ដោយមនសិការខ្ពស់។ ភាពស្មោះត្រង់ជាកាតព្វកិច្ចចំបងក្នុងគណបក្សដើម្បីផ្តល់ទំនុកចិត្ត និងភាពជឿជាក់ផ្ទៃក្នុងបក្ស ពិសេសសមាជិកសមាជិកាគណបក្សទាំងអស់ព្រមទាំងពង្រឹងនូវបញ្ហាសតិអារម្មណ៍ស្មារតីកាន់តែល្អប្រសើរឡើងដែលជាមូលដ្ឋានគ្រឹះដ៏រឹងមាំដែលមិនអាចគណបក្សនយោបាយណាមួយមកបំបែកបានឡើយ ពិសេសប្រជាជនចំណាកស្រុកដែលត្រូវយកចិត្តទុកដាក់ថាតើពួកគាតមានឯកសារគ្រប់គ្រាន់ក្នុងការបោះឆ្នោតហើយឬនៅ។

លោកជំទាវក៏បានជំរុញដល់ក្រុមការងារគណបក្សទាំងអស់ធ្វើសកម្មភាពផ្សព្វផ្សាយពីសមិទ្ធិផលនានាជាប្រចាំដើម្បីក្រើនរំលឹក និងបង្ហាញពីការខិតខំប្រឹងប្រែងរបស់ថ្នាក់ដឹកនាំគណបក្សក្នុងការជួយជ្រោមជ្រែងកសាងឡើងនឹងដើម្បីបន្សាបនូវឥទ្ធិពលក្រុមបក្សប្រឆាំងដែលកន្លងមកបានឆ្លៀតឱកាសវាយប្រហារមកលើគណបក្សប្រជាជនកម្ពុជារបស់យើងនិហបានជំរុញដល់ក្រុមការងារចុះមូលដ្ឋានភូមិឃុំនិងប្រធានគណ:កម្មាធិការបក្សឃុំសាខាភូមិខិតខំរួមគ្នាកសាងសមាជិកបក្សថ្មីបន្ថែមទៀត ជាពិសេសយុវជនដែលទើបគ្រប់អាយុបោះឆ្នោត។

យកចិត្តទុកដាក់ចំពោះប្រជាពលរដ្ឋដែលមានអត្តសញ្ញាណប័ណ្ណហួសសុពលភាព បាត់ ខូច លើកទឹកចិត្តដល់ពួកគាត់ឱ្យទៅធ្វើអត្តសញ្ញាណប័ណ្ណថ្មីឱ្យបានគ្រប់ៗគ្នា ដើម្បីត្រៀមចុះឈ្មោះបោះឆ្នោតនាពេលខាងមុខព្រមទាំងខិតខំបម្រើសេវាសាធារណ:ជូនប្រជាពលរដ្ឋឱ្យបានល្អនិងទាន់ ពេលវេលា។ព្រមទាំងបានជំរុញឱ្យក្រុមការងារគណបក្សទាំងអស់ត្រូវតែរឹងមាំនិងឯកភាពផ្ទៃក្នុងឲ្យបានល្អពីព្រោះវាជាកំលាំងចលករមួយយ៉ាងសំខាន់ឆ្ពោះទៅរកភាពជោគជ័យ៕ ដោយ៖ ស៊ុម វណ្ណា