ទីភ្នាក់ងារសារព័ត៌មានកម្ពុជា

អង្គការ WCS ធ្វើយុទ្ធនាការផ្សេព្វផ្សាយអំពីការទប់ស្កាត់ការជួញដូរសត្វព្រៃ និងសត្វស្លាបនៅតាមទីផ្សារ

ចែករំលែក ៖

AKP ភ្នំពេញ ថ្ងៃទី១៨ ខែកញ្ញា ឆ្នាំ២០២៦ -- អង្គការសមាគមអភិរក្សសត្វព្រៃ (WCS) បានសហការជាមួយមន្ទីរបរិស្ថានខេត្តពោធិ៍សាត់ រដ្ឋបាលក្រុងពោធិ៍សាត់ អាជ្ញាធរស្រុកបាកាននិងស្រុកកណ្ដៀង អាជ្ញាធរឃុំ និងសហគម ន៍មូលដ្ឋានដែលរួមមានសហគមន៍នេសាទក្តីឈ្វិត និងសហគមន៍នេសាទឫស្សីតាម៉ាន់ ក្នុងការធ្វើយុទ្ធនាការផ្សេព្វផ្សាយអំពីការទប់ស្កាត់ការជួញដូរសត្វព្រៃ និងសត្វស្លាបនៅតាមទីផ្សារសំខាន់ៗនៅក្នុងក្រុងពោធិ៍សាត់ និងនៅតាមមូលដ្ឋានក្នុងស្រុកបាកាននិងស្រុកកណ្ដៀង ខេត្តពោធិ៍សាត់ជាប្រចាំ។

មន្ត្រីអង្គការ WCS បានឱ្យដឹងនៅថ្ងៃទី ១៧ ខែកញ្ញា ឆ្នាំ២០២៦ថា ក្នុងរយៈពេលបីខែចុងក្រោយនេះ ក្រុមការងារយើងបានធ្វើការផ្សព្វផ្សាយសរុបចំនួនបួនដង ក្នុងផ្សារចំនួនបួន ហើយបានអប់រំផ្សព្វផ្សាយដល់អាជីករក្នុងផ្សារនិងប្រជាពលរដ្ឋចំនួនប្រមាណ ៣២២នាក់ ក្នុងនោះមានស្ត្រីចំនួន ២៣៨នាក់។
សូមចូលរួមទប់ស្កាត់ការជួញដូរសត្វព្រៃ ដើម្បីការរស់នៅប្រកបដោយនិរន្តរភាពនិងសុខុមាលភាព។

ការជួញដូរសត្វព្រៃជាអំពើខុសច្បាប់ ការជួញដូរសត្វព្រៃជាកត្តាគំរាមកំហែងដល់ធនធានធម្មជាតិនិងប្រព័ន្ធអេកូឡូស៊ី ការជួញដូរសត្វព្រៃក៏ជាកត្តាដែលបង្កផលប៉ះពាល់ដល់សុខុមាលភាពរបស់មនុស្សផងដែរ តាមរយៈជំងឺដែលឆ្លងតាមរយៈសត្វព្រៃទៅមនុស្ស ៕

ដោយ ៖ណយ នឿន, ប្រភព៖WCS