AKP បន្ទាយមានជ័យ ថ្ងៃទី១៨ ខែកញ្ញា ឆ្នាំ២០២៥ --

ប្រជាពលរដ្ឋ និងកងកម្លាំងកម្ពុជា ដែលមិនប្រដាប់ដោយអាវុធ កំពុងប្រចាំការដោយភាពអង់អាចក្លាហាននៅភូមិសាស្រ្តភូមិព្រៃចាន់ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ នាព្រឹកថ្ងៃទី១៨ ខែកញ្ញា ឆ្នាំ២០២៥ កន្លែងដែលកងកម្លាំងប្រដាប់អាវុធចម្រុះថៃ បានចូលមកបំពាន និងប្រើហិង្សាលើប្រជាពលរដ្ឋខ្មែរ បណ្តាលឲ្យរងរបួស ៣០អង្គ/នាក់ កាលពីថ្ងៃទី១៧ ខែកញ្ញា ឆ្នាំ២០២៥ ខណៈដែលស្ថានភាពមានសភាពស្ងប់ស្ងាត់ ដោយគ្មានវត្តមានកងទ័ពថៃ នៅទីតាំងហេតុការណ៍នោះទេ។

ក្នុងពេលដែលប្រជាពលរដ្ឋ និងកងកម្លាំងកំពុងនៅប្រចាំការ ក៏មានវត្តមាន ឯកឧត្តម ស៊ាង ប៊ុនលាង រដ្ឋលេខាធិការក្រសួងមហាផ្ទៃ និងឯកឧត្តម អ៊ុ រាត្រី អភិបាល នៃគណៈអភិបាលខេត្តបន្ទាយមានជ័យ ផងដែរ។

រូបថត៖ ខឹម សុវណ្ណារ៉ា